തിരുവനന്തപുരം: കേരള സർക്കാരിന്റെ 2027-ലെ പൊതു അവധി പട്ടിക പുറത്തുവിട്ടു. പ്രചരിക്കുന്ന അവധി പട്ടിക പ്രകാരം മന്നം ജയന്തി, റിപ്പബ്ലിക് ദിനം, വിഷു, മേയ് ദിനം, ഓണം, ഗാന്ധിജയന്തി, ദീപാവലി, ക്രിസ്മസ് തുടങ്ങിയ ദിവസങ്ങളാണ് പൊതു അവധികളായി ഉൾപ്പെടുത്തിയിരിക്കുന്നത്.
2027 ജനുവരി 2-ന് മന്നം ജയന്തിയോടെയാണ് വർഷത്തെ അവധി പട്ടിക ആരംഭിക്കുന്നത്. ജനുവരി 26 റിപ്പബ്ലിക് ദിനം, ഏപ്രിൽ 15 വിഷു, മേയ് 1 മേയ് ദിനം, ഓഗസ്റ്റ് 24 ശ്രീകൃഷ്ണ ജയന്തി, സെപ്റ്റംബർ 15 ശ്രീനാരായണ ഗുരു ജയന്തി, ഒക്ടോബർ 2 ഗാന്ധിജയന്തി, ഒക്ടോബർ 28 ദീപാവലി, ഡിസംബർ 25 ക്രിസ്മസ് എന്നിവയാണ് പട്ടികയിലെ പ്രധാന അവധികൾ.
ഓണം അവധികൾ
2027-ലെ ഒന്നാം ഓണം സെപ്റ്റംബർ 11-നും തിരുവോണം സെപ്റ്റംബർ 12-നും മൂന്നാം ഓണം സെപ്റ്റംബർ 13-നും നാലാം ഓണം സെപ്റ്റംബർ 14-നുമാണ് പട്ടികയിൽ രേഖപ്പെടുത്തിയിരിക്കുന്നത്.
ഞായറാഴ്ചയും രണ്ടാം ശനിയാഴ്ചയും
എല്ലാ ഞായറാഴ്ചകളും ഓരോ മാസത്തെയും രണ്ടാം ശനിയാഴ്ചയും അടച്ചിടൽ ദിവസങ്ങളായി പട്ടികയിൽ വ്യക്തമാക്കിയിട്ടുണ്ട്.
നിയന്ത്രിത അവധികൾ
അയ്യാ വൈകുണ്ഠസ്വാമി ജയന്തി, അവണി അവിട്ടം, വിശ്വകർമ ദിനം തുടങ്ങിയവയും നിയന്ത്രിത അവധികളുടെ പട്ടികയിലുണ്ട്. ബന്ധപ്പെട്ട വിഭാഗങ്ങളിലെ സർക്കാർ ജീവനക്കാർക്കും അധ്യാപകർക്കും നിബന്ധനകൾക്ക് വിധേയമായി ഈ അവധികൾ പ്രയോജനപ്പെടുത്താം.
ചന്ദ്രദർശനത്തെ ആശ്രയിച്ചുള്ള ഈദുൽ ഫിത്ർ, ബക്രീദ്, മുഹറം തുടങ്ങിയ അവധികളിൽ മാറ്റം വരാം .
