തിരു: സഹകരണ സർവ്വീസ് പരീക്ഷാ ബോർഡിന്റെ 2026 ജനുവരി 28 ലെ 1/2026,2/2026,4/2026, 6/2026 എന്നീ നമ്പർ വിജ്ഞാപനങ്ങൾ പ്രകാരം 2026 മെയ് 31 ന് നടന്ന സഹകരണ ജീവനക്കാരുടെ ഉദ്യോഗ കയറ്റ യോഗ്യതാ പരീക്ഷകളിൽ വിജയിച്ച സഹകരണ ജീവനക്കാർക്ക് സഹകരണ സർവ്വീസ് പരീക്ഷാ ബോർഡിന്റെ രജത ജൂബിലി വർഷം പ്രമാണിച്ച് സർട്ടിഫിക്കറ്റുകൾ നേരിട്ട് വിതരണം ചെയ്യും. 2026 ആഗസ്റ്റ് 5 ബുധനാഴ്ച 10.30 ന് ജവഹർ സഹകരണ ഭവനിൽ നടക്കുന്ന ചടങ്ങിൽ ബഹു.സഹകരണ വകുപ്പ് മന്ത്രി എം .ലിജു വിതരണ ഉത്‌ഘാടനം നടത്തുമെന്ന സഹകരണ പരീക്ഷ ബോർഡ് സെക്രട്ടറിയുടെ അറിയിപ്പ് ഉദ്യോഗാർത്ഥികൾക്ക് ലഭിച്ചു. രജത ജൂബിലി വർഷം പ്രമാണിച്ചണ് സർട്ടിഫിക്കറ്റുകൾ നേരിട്ട് വിതരണം നടത്തുന്നതെന്ന് അറിപ്പിലുണ്ട്. സഹകരണ സർവ്വീസ് പരീക്ഷാ ബോർഡ് 2026 മെയ് 31ന് നടത്തിയ ഉദ്യോഗ കയറ്റ യോഗ്യതാ പരീക്ഷയുടെ ഫലം മാസങ്ങൾക്ക് മുൻപ് തന്നെ പ്രസ്ഥികരിച്ചിരുന്നെങ്കിലും സർട്ടിഫിക്കറ്റ് വിതരണം നടത്താത്തത് സംഘം ജീവനക്കാർക്കിടയിൽ വ്യാപക പ്രതിഷേധത്തിന് ഇടവരുത്തിയിരുന്നു. സർട്ടിഫിക്കറ്റ് ലഭിക്കാത്തതിനാൽ പല സംഘം ജീവനക്കാരുടെയും പ്രമോഷൻ തടയപ്പെട്ടിരിക്കുകയായിരുന്നു. 2026 ജൂൺ 6 ഗവർമെന്റ് 12/2026/P&EA ഉത്തരവ് പ്രകാരം സംഥാനത്തെ എല്ലാ ബോർഡ് , കോർപ്പറേഷനും പിരിച്ചു വിട്ടതിന് ശേഷവും സഹകരണ പരീക്ഷ ബോർഡ് ചെയർമാൻ തൽസ്ഥാനത്ത് തുടരുന്നുയെന്ന് ആക്ഷേപം നിലനിൽക്കുമ്പോഴാണ് സർട്ടിഫിക്കറ്റ് വിതരണം .