എച്ച്.ഡി.സി. (ഹയർ ഡിപ്ലോമ ഇൻ കോ-ഓപ്പറേഷൻ) പരീക്ഷാഫലം പ്രസിദ്ധീകരിച്ചു. പരീക്ഷയിൽ 91.75 ശതമാനം വിജയമാണ് രേഖപ്പെടുത്തിയത്. നോർത്ത് പറവൂർ സഹകരണ പരിശീലന കേന്ദ്രത്തിലെ സുജിത ഒന്നാം റാങ്ക് നേടിയപ്പോൾ കൊട്ടാരക്കര സഹകരണ പരിശീലന കേന്ദ്രത്തിലെ അഞ്ചിത രണ്ടാം റാങ്ക് കരസ്ഥമാക്കി.
പരീക്ഷാഫലം സംസ്ഥാന സഹകരണ യൂണിയന്റെ ഔദ്യോഗിക വെബ്സൈറ്റിൽ പ്രസിദ്ധീകരിച്ചിട്ടുണ്ട്. വിദ്യാർഥികൾക്ക് വെബ്സൈറ്റ് മുഖേന ഫലം പരിശോധിക്കാം.
പുനർമൂല്യനിർണയത്തിന് നവംബർ 23 വരെ അപേക്ഷിക്കാം
പരീക്ഷയിൽ ലഭിച്ച മാർക്കിൽ പുനർമൂല്യനിർണയം ആവശ്യപ്പെടുന്ന വിദ്യാർഥികൾക്ക് അതത് സഹകരണ പരിശീലന കേന്ദ്രങ്ങൾ മുഖേന അപേക്ഷ സമർപ്പിക്കാം. നവംബർ 23 വരെയാണ് അപേക്ഷകൾ സ്വീകരിക്കുക. നിശ്ചിത സമയപരിധിക്കുള്ളിൽ അപേക്ഷ സമർപ്പിക്കണമെന്ന് ബന്ധപ്പെട്ടവർ അറിയിച്ചു.
