സഹകരണ സംഘങ്ങളിൽ നിക്ഷേപ പദ്ധതികൾക്ക് മുതിർന്ന പൗരൻ മാർക്ക് നിലവിൽ 8.60 % പലിശ ലഭിക്കുന്നു. സംസ്ഥാന സർക്കാരിന്റെ ട്രഷറി നിക്ഷേപ പദ്ധതികളും, കേരള ബാങ്ക് പലിശയും ഉയർത്തുന്നു.
സർക്കാർ പുതിയതായി പ്രഖ്യാപിച്ച 'സ്പെഷ്യൽ ട്രഷറി ഡെപ്പോസിറ്റ് മൊബിലൈസേഷൻ ഡ്രൈവ് 2026' പ്രകാരം ട്രഷറി സ്ഥിരനിക്ഷേപങ്ങൾക്ക് ഉയർന്ന പലിശയാണ് വാഗ്ദാനം ചെയ്യുന്നു. ധനകാര്യ വകുപ്പിന്റെ പുതിയ ഉത്തരവ് (G.O.(P)No.89/2026/FIN) പ്രകാരം 2026 ഓഗസ്റ്റ് 15 മുതൽ സെപ്റ്റംബർ 30 വരെയുള്ള കാലയളവിൽ ആരംഭിക്കുന്ന പുതിയ സ്ഥിര നിക്ഷേപങ്ങൾക്കാണ് ഈ ആനുകൂല്യം ലഭിക്കുക. രണ്ടു വർഷവും അതിനു മുകളിലുമുള്ള നിക്ഷേപങ്ങൾക്ക് പൊതുവിഭാഗത്തിന് 7.75% വും, മുതിർന്ന പൗരന്മാർക്ക് 8.00% വുമാണ് പലിശ നിരക്ക്. സ്ഥാപനങ്ങളുടെ നിക്ഷേപങ്ങൾക്ക് 7.65% പലിശയും ലഭിക്കും.
കേരള ബാങ്കും നിക്ഷേപകരെ ആകർഷിക്കാൻ മികച്ച നിരക്കുകൾ നൽകുന്നുണ്ട്. 1 വർഷം മുതൽ 2 വർഷം വരെയുള്ള സ്ഥിരനിക്ഷേപങ്ങൾക്ക് പൊതുവിഭാഗത്തിന് 7.10% വും മുതിർന്ന പൗരന്മാർക്ക് 7.60% വും പലിശ നിലവിൽ ലഭ്യമാണ്. രണ്ടു വർഷത്തിന് മുകളിലുള്ള നിക്ഷേപങ്ങൾക്ക് ഇത് യഥാക്രമം 7.00%, 7.50% എന്നിങ്ങനെയാണ്. സഹകരണ സംഘങ്ങളുടെ ഉയർന്ന പലിശ നിരക്കാണ് സഹകരണ സംഘങ്ങളെ സാധാരണക്കാരുടെ പ്രിയപ്പെട്ട നിക്ഷേപ കേന്ദ്രമാക്കിയിരുന്നത്.
സഹകാരികൾക്ക് കൂടുതൽ സുരക്ഷിതത്വവും മികച്ച വരുമാനവും ലഭിക്കുന്ന ഈ പുതിയ സാഹചര്യത്തിൽ, സേവന നിലവാരം മെച്ചപ്പെടുത്തിയും ആകർഷകമായ പുതിയ പദ്ധതികൾ ആവിഷ്കരിച്ചും സഹകരണ സംഘങ്ങൾക്ക് പുതിയ നിക്ഷേപ സാധ്യത തേടുകയാണ്.
